السلام عليكم ورحمة الله وبركاته
المنشور ده بخصوص الطريق الى البستان والروضة والصفا
افضل طريق لو جاى من شبرا احسن طريق هو الأوسطى من عند أبو زعبل هتطلع الأوسطى
وممكن من طريق ال١٠٠ بلبيس الصحراوى تطلع الأوسطى المتجه إلى طريق اسماعيليه الصحراوى اللى هى الطالعه اللى قبل الأوسطى هتلاقى بنزينة وطنيه على يمينك هنكمل زى مااحنا في هتلاقى منزل العبور الجديده هنكمل زى مااحنا عالاوسطى وهتركز بعدها بشويه هتلاقى فى أعمال انشائات كوبرى بتتم على الطريق و هتلاقى عماير البستان رصاصى فى اسود ظهرت معاك على شمال الطريق وهتلاقى منزل على يمينك مكتوب عليه إلى إحياء ١٥ و ١٦
هتنزله وتعدى النفق هتلاقى العماير على شمالك دى البستان ولو عايزها هتلاقى فتحة يوتيرن فى الطريق هتدخلك بين العمائر
هتدخل جوه وهتشوف انت عند عمارة كام وهتمشى على الخريطه
ولو رايح الروضه والصفا هتكمل فى الشارع زى ماانت هتلاقى الروضه والصفا بعد عماير البستان على طول
طيب لو ماشى عال GPS فبنسبة كبيرة بيدخلك طريق خط عشرة و بيدخلك اخر بوابه من جمعية عرابى
فى الحاله دى بتلاقى فيلل على يمينك وشارع مكسر وشمالك سور بتفضل ماشى بمحاذاة السور ده حوالى ٧ كيلو بتلاقى نفق الأوسطى فى وسط السور بتعدى من تحت النفق علشان تطلع الأوسطى الناحيه التانيه وبعد ما تطلع الأوسطى هتلاقى عماير البستان على يمينك فبتنزل النزله دى اللى هى أول نزله من طلوعك الأوسطى
