شرح خطوات الاستعلام

اولا اقفل فيزة مشترياتك أو اى حاجه انت مقسطها وهتسمع عندهم 

اول مرحلة هى التقديم ب شروط التقديم و دى انت عملتها خلاص فى سنة ٢٠٢٠

تانى مرحلة هى استعلام الصندوق  اللى هتبتدى لما ربك يشاء ويجى دورك و دى بقى هنركز مع بعض فيها 

 شركات الاستعلام دى شركات الصندوق بيكلفها بمهمة مراجعة ورقك ورفعه على الموقع ومش فى أيديهم رفضك أو قبولك اللى بيرفضك أو بيقبلك لجنة الصندوق من خلال الورق اللى بتقدمه وبيترفع على الموقع 

طيب بيتطلب منك ايه وليه 

بيتطلب 

١- مفردات مرتب ب صافى دخلك الشهرى سنة ٢٠٢٠ التقديم بعد خصم الضرائب والتأمينات و ده مش هينفع تلعب ولا تقلل لانه بيان موجود عندهم اصلا 

٢- مفردات مرتب ب صافى دخلك الشهرى الحالى بعد خصم الضرائب والتأمينات + ارباح ومكافأت ومنح سنة ٢٠٢٠ + اخر ارباح تقاضتها حضرتك ومتجودش ومتطولش معاه اللى عايزه لازم تجيبه ومتلعبش فى بيانات اخر مفردات مرتب وأرباح ب جنيه طالما بتقبض على اى بنك  مهما كان دخلك عالى قدمه زى ما هو ومفيهاش حد أقصى  ولا ضرر  وهقولك ليه بعدين (ولو انت لعبت وعدت معاك ف هى ستر مش اكتر ) بس افتكر انى قولتلك بلاش 

ملحوظه هنا فيه بنوك للاسف مبتقبلش مرتب الان  أقل من ٤٠٠٠ ك حد أدنى 

٣- وصل مرافق حديث و صور شهادات ميلاد الاولاد وصورة بطاقتك  انت وزوجتك  وتاخد معاك اصول كل حاجه علشان لو هيبص بصه عليها 

وفى نقطة وصل المرافق والسكن حضرتك فى سنة التقديم كنت كاتب انك فى العبور ودلوقتى رجعت مكانك فى القاهره وسكنت فى القاهره قول للمستعلم انا فى القاهره ومتحورش عليه وتقوله لسه فى العبور (سكنك الحالى) ومتخفش مفيش ضرر عليك وبلاش نتكلم معاه عن اى حاجه ليها علاقه ب ورث

 هتركز فى ايه و ده مهم جدا جدا 

اولا سنة ٢٠٢٠ الصندوق عايز يتأكد انك مستوفى الشروط 

اللى هى أولا أن إجمالى دخلك السنوى كراجل متزوج انت وزوجتك ميكونش اتعدى المبلغ اللى مذكور فى الكراسه ٧٢٠٠٠ سنويا (٦٠٠٠ شهرى)

ولو اعزب ميتعداش ال ٥٤٠٠٠ سنويا (٤٥٠٠ شهرى)

ايه المبلغ ده وازاى هحسب دخلى 

اولا هتضرب صافى دخلك الشهرى انت والشريك فى ١٢ شهر هيطلعلك مبلغ وهتجمع عليه أرباحك ومكافأتك اللى هتكتبها فى البيان اللى انت مقدمه 

وتحسب كويس اوى ومينفعش فى كل الأحوال أنهم يعدوا ال ٧٢٠٠٠ بجنيه حتى (اتصرف ) وبأكد احسب قبل ما تقدم اى ورقه للصندوق علشان متتحطش فى مشاكل انت فى غنى عنها 

خلاص كدا اتفقنا أن سنة ٢٠٢٠ تخص الصندوق لانه عايز يتأكد أن حضرتك مستوفى الشروط 

أن شاء الله الصندوق يقبلك وفى خلال شهر هتكون متحول للمرحلة التانيه التمويل العقارى الصندوق بيبعت ل بنك كذا بيقوله انا قبلت الراجل ده وشوف دنيتك كدا معاه ايه بالنسبه لموقفه المالى الحالى علشان تديله قرض التمويل العقارى اللى هياخد بيه الشقه 

البنك بيكلمك تروح ليهم علشان يتطلع على مفردات مرتبك الحديثة وبيعمل سيرش عنك علشان يتأكد أن بياناتك سليمه ومش مضروبة وبيبعتلك مستعلم شركتك ومحل سكنك علشان يتأكدوا من وجودك وانك صح الصح 

فى خلال الفتره دى بينزلك التخصيص على موقع الصندوق 

واللينك اهو 

https://cservices.shmff.gov.eg/ChangeUnit/Comp_Floors

وانت كدا في مرحلة الدراسة الائتمانية وان شاء الله يتوافق عليك ويكلموك على تليفونك الأرضي (مهم وجوده ) في بعض البنوك 

وتروح بقى تاخد التوكيل وخطواته فى اغلب مكاتب شهر عقاري 

بتاخد التوكيل من البنك ببياناتك وبتنقله على ملف وورد وبتحطه على فلاشه ويتراجع كويس لايكون فيه غلط انت عملته وبتروح الشهر العقارى تخلص وتطلع على البنك تقدمه وتمضى على العقود والشيكات وهنا لازم تركز كويس اوى فى الارقام وفى اسمك ميكونوش غلط  علشان الغلطه هترجعك تمضى تانى 

كدا بقى نقولك مبروك وربنا يتمملك بخير 

تقعد تستنى بقى البنك بيروح بعقدك للصندوق بيخلص كل حاجه وبيجيبلك العقد ممكن بعد ٦ شهور 

تأخذ عقدك يابطل وتطلع على جهاز المدينة اللي انت تبعها 

تدفع المرافق اللي على وحدتك وتروح تستلم شقتك ب محضر استلام  وربنا يصلح لك الحال 

وفى الاخر يارب نكون قدرنا  نفهمك ودعواتكم بتيسير الحال لينا وليكم